Elordada jańa marshrýttyq avtobýs baǵyttary ashylady
NUR-SULTAN. QazAqparat – Eloda ákimi Altaı Kólginov óziniń Instagram paraqshasynda qalany qystan keıin qalpyna keltirý josparymen bólisti, dep habarlaıdy QazAqparat tilshisi.
«Aýdan ákimderine qalany abattandyrý, sanıtarlyq tazalaý, qasbetterdi tıisti qalypqa keltirý jumystaryn jeke baqylaýǵa alýdy, sonyń ishinde PIK-ke (MIB) deıin jetkizýdi, qoǵamdyq keńistikterdi, skverlerdi, trotýarlardy jáne t. b. retke keltirýdi tapsyrdym», - dedi shahar basshysy.
Ol, sondaı-aq, qysta búlingen joldardy qalypqa keltirý kezinde qalanyń eski bóligine basa mán beriletinin atady.
«Jol shuńqyrlaryn jóndeýdi tapsyrdym. Sonymen qatar, ortasha jóndeý men asfalttaýdy qajet etetin joldardyń tizimin jańartýdy tapsyrdym. Eń aldymen qalanyń eski bóligi men eldi mekenderge erekshe nazar aýdarý kerek. Qozǵalys qarqyndylyǵy joǵary jańa avtobýs marshrýttaryn iske qosamyz. Jańa marshrýttar áleýmettik nysandarǵa da aparmaq», - deıdi ákim.
«Memleket basshysynyń tapsyrmasyna sáıkes sáýir-mamyr aılarynda qalanyń barlyq aýdandaryn jappaı kógaldandyrýǵa kirisemiz. Bul ekologııany jaqsartýǵa, qosymsha qoǵamdyq keńistik qurýǵa múmkindik beredi», - dep jazdy qala basshysy.
