Elordada jańa magıstraldy ekspress-baǵdarlar ashylady
ASTANA. QazAqparat - Elordada jańa magıstraldy ekspress-baǵdarlar ashylady. Bul týraly búgin qala halqynyń aldynda esep bergen Astana ákimi Baqyt Sultanov aıtty, dep habarlaıdy QazAqparat tilshisi.
«Ótken jyly jańa 4 baǵdar ashýmen qatar 11 qoldanystaǵy syzbany ońtaılandyrdyq, qoǵamdyq kólik qozǵalysynyń aralyǵyn 30 paıyzǵa qysqarttyq. Elorda «shetkeri aımaqsyz qala» prıntsıpi boıynsha damýyn jalǵastyrýda. Jolaýshylarǵa qolaıly bolýy úshin qala ortalyǵyn shetkeri aımaqtarmen jalǵastyratyn 20 tikeleı baǵdar júrip tur. Taıaýda jańa magıstraldy ekspress-baǵdarlar iske qosamyz», - dedi Astana ákimi.
Sonymen qatar ol taıaýda qalaǵa gazben júretin 80 jańa avtobýstyń satyp alynatyndyǵyn aıtty.
«Synnyń áli de bar ekendigin túsinemin. Bul jerde biz júıeli jumys istep jatyrmyz. Búgingi kúni qalalyq avtobýs parki 70 paıyzǵa jańartyldy. Taıaý ýaqytta taǵy da 80 gazben júretin avtobýs satyp alýdy josparlap otyrmyz. Іlki rejımde elektroavtbýs qatynap júr. Bul baǵdarlarlardaǵy júktemeni aıtarlyqtaı tómendetýge múmkindik beredi», - dedi qala basshysy.
Baqyt Sultanov bastapqy ýaqytta synǵa ushyraǵan jyly aıaldamalarǵa da toqtalyp ótti.
«Ótken jyly Astanada bıýdjet jáne memlekettik-jekeshelik áriptestik esebinen mundaı 74 aıaldama ornattyq. Olardyń sanyn arttyrý josparda bar», - dedi ol.
