Elordada jańa qaýymdastyq tanystyrylymy ótti
Memleket basshysy Nursultan Nazarbaev óz sózderinde Respýblıkaǵa sheteldik ınvestıtsııany tartý jáne sheteldik áriptestermen birge birlesken kásiporyndar qurý qajettigi týraly birneshe ret aıtyp ótken bolatyn. Esterińizge sala keteıik, Prezıdent bıylǵy Joldaýda kásipkerlik sýbektileriniń birlesýi men kooperatsııasynyń róline, sondaı-aq eldiń óndiristik áleýetin jańǵyrtý qajettigine erekshe nazar aýdardy. Osy turǵydan alǵanda «COCAD «Consortium of Central Asia Development» zańdy tulǵalar qaýymdastyǵynyń qyzmeti sol tapsyrmaǵa qol jetkizýge baǵyttalǵan. Máselen, uıym álemdik naryqta otandyq óndirýshilerdiń múddelerin qorǵaı otyryp, kásipkerlikti jan-jaqty damytýǵa yqpal etýdi, ekonomıka, ǵylym, saýda-sattyq salasynda áriptesterdi tabýǵa járdemdesýdi, sondaı-aq, elimizde, shetelderde saýda-ekonomıkalyq qarym-qatynastardyń barlyq túrin damytýdy nıet etedi.
«COCAD «Consortium of Central Asia Development» zańdy tulǵalar assotsıatsııasy óz qyzmetin memleket qoldaýymen júzege asyratyn bolady. Ol elimizde 2017 jyldyń sáýirinde quryldy. Atalǵan zańdy tulǵalar qaýymdastyǵy Qazaqstanda jáne Ortalyq Azııada kásipkerlik qyzmetti júzege asyratyn zańdy tulǵalardyń músheligi negizindegi uıym bolyp tabylady.
Qyzmeti elimiz úshin asa qajetti maqsatqa baǵyttalǵan qaýymdastyqtyń atqaratyn mindeti salmaqty. Shara aıasynda bul jaıly spıkerler keńinen áńgimelep berdi. Olardyń aıtýynsha, «COCAD «Consortium of Central Asia Development» zańdy tulǵalar assotsıatsııa qyzmetiniń negizgi baǵyttary mynalar:
- ınvestıtsııalaýdyń negizdemelik jaǵdaılary týraly aqparatty usyný;
- ınvestıtsııalarǵa járdemdesý (óndiristerdi jańǵyrtý jobalaryn jáne kásipkerliktiń jańa jobalaryn sáıkestendirý men qarjylyq qoldaý);
- birlesken kásiporyndar, tehnıkalyq jáne qarjylyq áriptestikterdi qurý boıynsha áriptesterdi tabý;
- Assotsıatsııa múshelerine memlekettik qoldaý sharalary týraly keńester berý;
- ishki jáne syrtqy saýda-sattyqty uıymdastyrýǵa járdemdesý;
- shet eldik áriptestermen baılanysty qoldaý jáne tıisti kelisimderdi jasaý, halyqaralyq qoǵamdyq birlestikterge túsý.
Búgingi tańda aktýaldy alǵashqy mindetterdiń qataryna Qazaqstannyń ınvestıtsııalyq áleýetin baǵalaý, Qazaqstannyń naqty ınvestıtsııalyq jobalaryna ınvestıtsııa tartý, Assotsıatsııa músheligine túsýge múddeli kompanııalardy aqparattandyrý sııaqty bastapqy qajettilikter jatady.
Sondaı-aq, yntymaqtastyq týraly onǵa jýyq kelisim-sharttarǵa qol qoıý josparlanyp otyr. Atalǵan kelisim-sharttardyń negizgi bir bóligi jobalardy memlekettik-jekeshelik áriptestiktiń mehanızmderin paıdalaný arqyly júzege asyrýǵa qatysty bolmaq. Sondaı-aq, elimizde álemdik deńgeıdegi moderatorlar men spıkerler qatysatyn iskerlik kezdesýler, «Qazaqstan ınvestıtsııalar úshin ashyq» roýd-shoýyn júrgizý josparlanǵan.
Sonymen qatar, kezdesýde Qazaqstanda qarjylyq tehnologııalardy damytý, memlekettik-jekeshelik áriptestikti nyǵaıtý, elimizdiń ınvestıtsııalyq ahýaly jáne Eýropa elderiniń osy jaıly kózqarastaryn baǵamdaý, ekonomıkanyń naqty sektorlaryna ınvestıtsııalar quıý qatarly mańyzdy máseleler de talqylandy.
