Elordada jańa aýdandarǵa avtobýstar qatynaı bastaıdy
ASTANA. QazAqparat – Elordada avtobýs júretin jańa 6 baǵdar ashylmaq. Bul týraly Astana qalasynyń kommýnıkatsııalar qyzmetindegi baspasóz máslıhatynda «№1 Avtobýs parki» AQ basqarma tóraǵasy Medet Shaqaev aıtty, dep habarlaıdy QazAqparat tilshisi.
«Elorda turǵyndarynyń ótinishin eskere otyryp, bıyl 6 jańa baǵdardy ashý josparlanǵan. Bul rette salynyp jatqan jańa aýdandarǵa, avtobýstar barmaıtyn nemese jetispeıtin ýchaskelerge 95 avtobýs jiberilmek», - dedi M. Shaqaev.
Onyń aıtýynsha, jańa baǵdarlar boıynsha qozǵalys kestesin Astana qalasynyń Kólik jáne jol-kólik ınfraqurylymyn damytý basqarmasy men CTS kompanııasy pysyqtap jatyr.
Buǵan deıin qalaǵa 400-ge jýyq avtobýs jetispeıtini habarlanǵan edi.
Elordada avtobýstar qozǵalysynyń ýaqyt aralyǵy 10-20 mınýttan 8-10 mınýtqa deıin qysqartylmaq.
Astanada jolaýshylardyń tek jartysy jol aqysyn tólemeı júretini de belgili boldy.
