Elordada Jambyl, Atyraý jáne BQO aýyl sharýashylyǵy ónimderiniń jármeńkesi ótýde

Apta saıynǵy jármeńkede taýar óndirýshiler 850 tonnaǵa jýyq ónim usynady. Elorda turǵyndary men qonaqtary et, sút ónimderin, kókónis, sondaı-aq balyqty naryqtyq baǵadan 15-20% arzan satyp ala aldy.

«Qalyptasqan dástúr boıynsha kúzgi kókónisti, sút ónimderin, et ónimderin, balyq ónimderin Astana qalasynyń jármeńkesine ákeldik. Bul joly biz 48 tonna balyq, 10,5 tonna et, 80 tonna kókónis, 100 myń jumyrtqa jáne t.b. kóptegen taǵam ónimderin alyp keldik. Ásirese, erekshe atap ótetinim, sút jáne sút ónimderin mol alyp keldik. Onyń ishinde Qazaqstanda alǵash ret shyǵa bastaǵan eshki súti ónimderin, onyń ishinde irimshik, qaımaq, jáne t.b. buryn jármeńkege túspegen taǵadardy alyp kelip jatyrmyz. Suranys óte kúshti, halyq rıza, aýa-raıy da jaqsy bolyp tur. Aıta keteıin, tamaqtyń baǵasy edáýir tómen»,-deıdi Atyraý oblysynyń ákimi Baqtyqoja Іzmuhambetov.

Batys Qazaqstan oblysynyń ákimi Nurlan Noǵaev ta Batys Qazaqstan oblysynan 7 tonna balyq jáne balyq ónimderi, 17 tonna et jáne et ónimderin, jemis-kókónis ákelingenin aıtty. Shara dástúrli túrde jalǵasyp kele jatyr.

Sondaı-aq jármeńkede Atyraý jáne Batys Qazaqstan oblysynyń shyǵarmashylyq ujymdarynyń qatysýymen kontserttik baǵdarlama usynyldy, dep habarlaıdy astana.kz.