Elordada jalpyqalalyq senbilikte 5 myńnan astam kóshet otyrǵyzylmaq
ASTANA. QazAqparat - Osy senbi kúni Astana qalasynyń barlyq aýdandarynda jalpyqalalyq senbilik ótedi, dep habarlaıdy qalalyq ákimdiktiń resmı saıty.
Atap aıtqanda, «Saryarqa» aýdanynda 18 sáýirde 133 PIK, 7 JOO, 17 orta kásiptik bilim mekemeleri, 23 densaýlyq saqtaý mekemesi, 33 mektepke deıingi bilim berý mekemesi, 32 orta mektep, 6 mınıstrlik, vedomstvolar men ulttyq kompanııalar, 28 qalalyq basqarma, 20 qurylys uıymy, 2 myń shaǵyn jáne orta bıznes obektisi jáne aýdan turǵyndary qatysady. Agrotehnıkalyq jáne Medıtsınalyq ýnıversıtetterdiń stýdentteri, mınıstrlikterdiń, agenttikter men ulttyq kompanııalardyń qyzmetkerleri N. Tilendıev dańǵyly men Alash tas jolynyń boıynda bekitilgen aımaqtardy qoqystardan tazartady.
Sonymen qatar, balabaqshalar men mektep qyzmetkerleri 18 sáýirde atalmysh aýdanda N. Tilendıev dańǵylynyń boıynda Aqan seri kóshesinen bastap Medeý kóshesine deıin 231 pıramıdalyq terek, Aqan seri kóshesinde 84 aǵash jáne 216 túp kóshet otyrǵyzady. Jalpy aýdanda 531 túp kóshet egiledi.
Ekologııalyq aılyq aıasynda aýdanda zańsyz qoqys tógiletin jerler joıylady. Odan ózge jalpyqalalyq senbilik kezinde 100 dana tehnıka, naqtyraq aıtqanda, 80 júk kóligi men 20 júk tıegish kólik tartylady. «Astana Zelenstroı» AQ jumysshylary saıabaqtar, alaptardy tazalap, aǵash butaqtaryn kesedi.
Bul kúni «Esil» aýdanynyń ákimdigi de óz aýmaqtarynda ekologııalyq aılyq aıasynda senbilik ótkizedi. Aýdan 8 ýchaskege bólingen, ol jerde 20 merdigerlik uıym sanıtarlyq tazartý boıynsha jumys isteıdi, sonyń ishinde «Astana Zelenstroı» AQ 2 kommýnaldyq mekemesi men «Astana Tazalyq» JShS ujymdary bar. Olardyń kúshimen senbilikke 120 júk tıegish tehnıka, 78 júk kótergish kólik pen erigen qar sýyn soratyn 39 kólik tartylady.
Kún saıyn aýdanda kólemdi qoqystardy shyǵarý boıynsha jumystar atqarylady. Ekologııalyq aılyq aıasynda «Esil» aýdany ákiminiń apparaty tabıǵatty qorǵaý polıtsııasymen birlese otyryp kúndelikti belgilenbegen jerge qoqys tastaý boıynsha reıdtik sharalar ótkizedi.
Atalmysh aýdanda senbilik kezinde 1925 túp kóshet otyrǵyzylmaq. Búgingi tańda «Astana Zelenstroı» AQ kóshet otyrǵyzý oryndaryn daıarlaýda.
Al, «Almaty» aýdanynda 8 kvartal men 31 sektor bar. Jalpyqalalyq senbilikte jınalǵan qoqysty ıgerýge 240 tehnıka, sonyń ishinde 170 júk kóligi, 70 júk tıegish tehnıka jumyldyrylý josparlanǵan. Jalpyqalalyq senbilik aıasynda 3000 túp aǵash otyrǵyzylyp, aýdan kóshelerindegi, saıabaqtar men shaǵyn baqtardaǵy otyrǵyzylǵan aǵash túpterin ákteý jumystary júrgiziledi.
