Elordada jalǵan shot-faktýralardy jazyp bergeni úshin kásiporyn basshysy ustaldy

NUR-SULTAN. QazAqparat –Elordalyq kásiporyn basshysy is júzinde jumystar oryndalmaı shot-faktýralardy jazyp bergen. Mundaı áreketterden keltirilgen shyǵyn 173 mln teńgeden asady, dep habarlaıdy QazAqparat Nur-Sultan qalasynyń Ekonomıkalyq tergeý departamentiniń baspasóz qyzmetine silteme jasap.

«Qazaqstan Respýblıkasy Qarjy monıtorıngi agenttiginiń Nur-Sultan qalasy boıynsha Ekonomıkalyq tergeý departamentiniń qyzmetkerleri 2018-2020 jyldar kezeńinde is júzinde jumystar oryndalmasa da shot-faktýralar jazyp bergen elordalyq kásiporynnyń basshysyn, sondaı-aq basqa da tulǵalardy áshkereledi. Memleketke 173 mln teńgeden astam shyǵyn keltirildi», - delingen vedomstvo habarlamasynda.

Sotqa deıingi tergeý QK-niń 216-babynyń 3-tarmaǵy (Іs júzinde jumystar oryndalmaı, qyzmetter kórsetilmeı, taýarlar tıep-jóneltilmeı shot-faktýra jazý boıynsha áreketter jasaý) boıynsha kózdelgen qylmystyq quqyq buzýshylyq belgileri boıynsha júrgiziledi.

«QІJK-niń 201-babynyń talaptaryna sáıkes sotqa deıingi tergep-tekserýdiń ózge de derekteri tergeý múddesine sáıkes jarııa etilmeıdi», - dep túsindirdi departamentte.