Elordada jalǵan reseılik kólik nómirimen júrgen taksıst ustaldy
NUR-SULTAN. QazAqparat – Elorda polıtseıleri jalǵan reseılik nómir taqqan taksı júrgizýshisin ustady, dep habarlaıdy QazAqparat tilshisi.
Bul týraly Nur-Sultan qalasy polıtsııa departamentiniń baspasóz qyzmeti málim etti.
«Polıtsııa qyzmetkerleri Respýblıka dańǵylynda patrýldeý kezinde kólik qańtarýǵa ruqsat etilmegen jerde turǵan «Shevrole Neksııa» markaly avtokólikti baıqaǵan. Qujattaryn teksere kele, taksı júrgizýshisi kóligine jalǵan reseılik tirkeý nómirlerin taǵyp alǵany anyqtaldy. Alaıda avtokólik QR-da tirkelgen. Kólik ıesi jalǵan nómirdi aıyppuldan jaltarý úshin taqqan. Polıtseıler kóliktiń júksalǵyshynan birneshe qazaqstandyq nómir tapty», - dedi departament.
Júrgizýshiniń ústinen Ákimshilik quqqy buzý kodeksiniń 590-babynyń 3-bóligi boıynsha ákimshilik hattama toltyrylyp, 15 AEK mólsherinde aıyppul salydy. Al nómiri jalǵa nómirli kólik aıyppul turaǵyna qoıyldy.
«Kóshe kameralaryndaǵy málimetterdi zerdeleý kezinde kele, atalmysh jalǵan nómirli kóliktiń jol erejesin 13 ret buzǵany anyqtaldy. Júrgizýshige jıyntyǵy 190 myń teńgege jýyq aıyppul salyndy. Sondaı-aq, aıyppul turaǵyna alynǵan kóliktiń qazaqstandyq nómirleri boıynsha 61895 teńgeniń 4 aıyppuly esepteldi. Elordada 8 qarashadan bastap «Qaýipsiz jol»jedel aldyn alý sharasy ótip jatyr. Іs-shara bastalǵannan beri polıtsııa qyzmetkerleri qala joldarynda 5 700 myńǵa jýyq jol erejesin buzý faktisin tirkedi», - dep tolyqtyrdy departament.
