Elordada jalǵan PTR anyqtamasyn jasaıtyndar ustaldy
«Osy oqıǵaǵa qatysty polıtsııa qyzmetkerleri jeke medıtsınalyq ortalyqtyń dırektoryn ustady. Ol teris nátıjeli PTR-test tapsyrǵany týraly jalǵan anyqtama satqan degen kúdikke ilingen. Ortalyq basshysy zańsyz qyzmet kórsetkeni úshin «klıentterden» 6 myń teńgeden alyp otyrǵan. Qazirgi ýaqytta polıtsııa PTR anyqtamany zańsyz alǵan adamdardyń naqty sanyn anyqtap jatyr. Qajetti saraptamalar taǵaıyndaldy», - delinge habarlamada.
Sondaı-aq, polıtsııa elden tys jerde júrgen QR azamaty 5500 teńgege teris nátıjeli PTR anyqtamasyn elektrondyq nusqada daıyndap, satqanyn anyqtady. Anyqtamalardy Telegramm messendjeri arqyly jiberip otyrǵan. El aýmaǵyna kelgennen keıin kúdiktige qatysty qylmystyq zańnama sheńberinde sharalar qabyldanatyn bolady.
Qazirgi ýaqytta atalǵan faktiler boıynsha jalǵan qujattardy daıyndaý jáne ótkizgeni úshin QR QK 385-baby boıynsha qylmystyq is qozǵaldy.
Polıtsııa qyzmetkerleri elorda turǵyndaryna jalǵan anyqtamalar berý faktilerin anyqtaý boıynsha birqatar medıtsınalyq ortalyqtarǵa, emhanalarǵa, vaktsına alý pýnktterine tekserý júrgizdi.
Esterińizge sala keteıik, jalǵan qujattardy daıyndaǵany nemese satqany úshin QR QK 385-babyna sáıkes 4 jylǵa deıin bas bostandyǵynan aıyrý jazasy qarastyrylǵan.