Elordada jalǵan medanyqtama satyp kelgen emhana basshylary ustaldy
Klıentter kólik quraldaryn basqarýǵa júrgizýshi kýáligin alý úshin medıtsınalyq anyqtamaǵa tapsyrys bergen.
Іs-sharalar kesheni barysynda Astana qalasynyń polıtseıleri aldyn ala sóz baılasý boıynsha jalǵan medıtsınalyq anyqtamalardy ótkizý arnasyn uıymdastyrǵan JShS-nyń eki basshysyn ustady.
Aqshalaı qarajatqa olar medıtsınalyq uıymǵa barmaı-aq ýaqytsha eńbekke jaramsyzdyq paraǵyn, densaýlyq pasportyn, sanıtarlyq kitapsha, №086, 075 nysanyndaǵy anyqtamalardy jáne ózge de medıtsınalyq qujattardy daıyndaǵan.
Jedel sharalar kezinde Astana qalasy PD krımınaldyq polıtsııa basqarmasynyń qyzmetkerleri Táýelsizdik dańǵyly boıyndaǵy medıtsınalyq ortalyqtyń 33 jastaǵy basshysyn ustady.
Tintý barysynda qolma-qol aqsha, eltańbalyq mórler, medıtsınalyq mórtabandar, medıtsınalyq anyqtamalardyń úzbeli túbirtek baılamdary, tirkeý jýrnaldary, medıtsınalyq kitapshalar, toltyrylǵan jáne mór qoıylǵan eńbekke jaramsyzdyq paraqtary tárkilendi.
Sondaı-aq Áýezov kóshesinde ornalasqan medıtsınalyq ortalyqtyń taǵy bir 33 jastaǵy basshysy ustaldy.
Tintý barysynda medıtsınalyq kitapshalar, eńbekke jaramsyzdyq paraqtary, mórler tárkilendi.
Klıentterdiń jumysqa ornalasý, kólik quraldaryn basqarý úshin júrgizýshi kýáligin alý jáne taǵy basqa qajetti medıtsınalyq anyqtamaǵa tapsyrys bergeni anyqtaldy.
Atalǵan faktiler boıynsha jalǵan qujattardy daıyndaǵany jáne ótkizgeni úshin QR QK-niń 385-baby boıynsha qylmystyq is qozǵaldy.
Tergeý amaldary júrgizilip jatyr.
Foto: polisia.kz