Elordada jalǵan dıplommen jumys istegen muǵalimderdiń ústinen is qozǵaldy

ASTANA. QazAqparat - Elordada birneshe mekteptiń muǵalimderi jalǵan dıplommen balalarǵa bilim bergen, dep habarlaıdy QazAqparat Astana qalasynyń prokýratýrasyna silteme jasap.

Qalalyq prokýratýra bilim berý uıymdary qyzmetiniń zańdylyǵyn tekserý barysynda muǵalimderdiń jalǵan dıplomdy paıdalaný faktilerin anyqtaǵan.

«Jumysqa ornalasý kezinde 6 mekteptiń muǵalimi jalǵan dıplom kórsetip, balalardy oqytý quqyǵyna ıe bolǵan», - dep jazylǵan Astana qalasy prokýratýrasynyń Facebook paraqshasynda.

Habarlamada aıtylǵandaı, Qylmystyq kodekstiń 385-baby 3-bóligine sáıkes jalǵan qujatty paıdalaný boıynsha sotqa deıingi tergep-tekserý bastaldy.

«Atalǵan ustazdardyń pedagogıkalyq qyzmeti toqtatyldy», - deıdi vedomstvodan.