Elordada jalǵan aqsha jasaýshy ustaldy
NUR-SULTAN. QazAqparat - Elordada jalǵan qaǵaz aqshalardy ótkizýdiń 30-dan astam faktisi anyqtaldy. Bul týraly búgin Ortalyq kommýnıkatsııalar qyzmetindegi baspasóz máslıhatynda Nur-Sultan qalalyq ekonomıkalyq tergeýler departamenti ekinshi tergeý basqarmasynyń basshysy Oljas Súleımenov aıtty, dep habarlaıdy QazAqparat tilshisi.
«Qalamyzda qajetti tehnıkany satyp alyp, óz úıinde qaǵaz aqsha jasaýmen turaqty aınalysyp kelgen azamat ustaldy. Jalǵan qaǵaz aqshalar QR Ulttyq banki banknottaryna barynsha uqsas. Júrgizilgen jumystardyń nátıjesinde jalǵan aqshalardy qala aýmaǵynda ótkizýdiń 34 faktisin anyqtadyq», - dedi ol.
Onyń atap ótýinshe, qaǵaz aqshany qoldan jasaǵan adamnyń kinásin tolyq dáleldeıtin barlyq aıǵaqtar jınalǵan.
«Bultartpaıtyn aıǵaqtar jınaldy. Olar: kýágerlerdiń jaýaby, beıne baqylaý kameralary, satýshylar. Atalǵan adam isi sotqa jiberildi. Ol bas bostandyǵynan aıyryldy. Aqsha qarajattaryn qoldanǵan kezde olardyń jańartylyp otyratyndyǵyn eskergen jón. Ulttyq bank tarapynan kózdelgen qaýipsizdik sharalaryna nazar aýdarý qajet», - dedi Oljas Súleımenov.
