Elordada jalǵa alynǵan garajdaǵy jasyryn zerthanada sıntetıkalyq esirtki jasalyp kelgen

NUR-SULTAN. QazAqparat – Elordada jalǵa alynǵan garajda sıntetıkalyq esirtki óndiretin jasyryn zerthana tabyldy, dep habarlaıdy QazAqparat QR Ulttyq qaýipsizdik komıtetine silteme jasap.

«17 mamyrda QR UQK Nur-Sultan qalasy boıynsha departamenti jalǵa alynǵan garajda sıntetıkalyq esirtki jasaýdy jáne ony jasyryp ketý arqyly satýdy uıymdastyrǵan Qazaqstan Respýblıkasynyń K degen azamatyn ustady. Esirtki zerthanasynda tintý barysynda shamamen 500 gr A-PVP sıntetıkalyq esirtkisi, qutylar, tarazy, magnıtti aralastyrǵysh, vakýým sorǵy, elektr plıtasy, sondaı-aq psıhotroptyq zat qaldyqtary bar ártúrli ydystar jáne 70 lıtr ártúrli prekýrsor alyndy», delingen habarlamada.

Odan basqa, salmaǵy shamamen 2,5 keli bolatyn bes jerge jasyrylǵan psıhotroptyq zat tabylyp, tárkilendi.

«Zańsyz aınalymnan quny qara naryqta shamamen 60 mln teńge bolatyn 3 kelige jýyq A-PVP psıhotroptyq zat alyndy. K degen azamat qalalyq polıtsııa departamentiniń ýaqytsha ustaý ızolıatoryna qamaldy. Qazir sotqa deıingi tergeý jalǵasyp jatyr», delingen habarlamada.