Elordada jaldamaly jumysker páterden qurylys materıaldaryn urlap áketti
NUR-SULTAN. QazAqparat – Páter jóndeý úshin jaldanǵan qurylysshy qojaıyndarynyń joq ekenin paıdalanyp, jalpy somasy 128 myń teńgeniń qurylys materıaldaryn urlap áketti, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Ol urlaǵan zattardy jarnama saıty arqyly beıtanys adamdarǵa satyp jibergen.
Nur-Sultan qalasynyń polıtsııa qyzmetkerleri jedel-izdeý sharalaryn ótkizý kezinde 30 jastaǵy kúdikti azamatty ustady.
Atalǵan faktimen «urlyq» baby boıynsha qylmystyq is qozǵaldy.
Ustalǵan er adam óz kinásin moıyndady, onyń elorda aýmaǵynda buryn osyǵan uqsas qylmystarǵa qatysy bar-joǵy tekserilýde.
