Elordada jaldamaly páterdi qaıta jalǵa berip kelgen alaıaq ustaldy
NUR-SULTAN. QazAqparat - Elorda polıtsııasy jaldamaly páterge qatysty alaıaqtyq jasaǵan kúdiktini ustady, dep habarlaıdy QazAqparat tilshisi.
Polisia.kz portalynyń málimetinshe, polıtsııaǵa elorda turǵyny júginip, jaldamaly pátermen baılanysty alaıaqtyq faktisin habarlaǵan.Tergeý amaldary barysynda polıtsııa qyzmetkerleri Nur-Sultan qalasyna taıaýda ǵana kelgen kúdiktigini - 27 jastaǵy Qyzylorda oblysynyń týmasyn ustady.
«Kúdikti páterdi birneshe kúnge jaldap, odan keıin ony zardap shegýshige 110 myń teńgege uzaqmerzimge jalǵa bergen. Qazirgi ýaqytta onyń jalpy somasy 400 myń teńgeden asatyn dál osyndaı 5 fakti boıynsha páterdi úshinshi tulǵaǵa jalǵa berý alaıaqtyǵy dáleldenip jatyr. Ustalǵan kúdikti ýaqytsha oqshaýlaǵyshqa qamaldy, tergeý júrgizilýde. Onyń elorda aýmaǵynda jasalǵan dál osyndaı qylmystarǵa qatysy tekserilýde», - delingen taratylǵan aqparatta.
