Elordada jaqyn arada 180 jańa qoǵamdyq kólik jolǵa shyǵady
ASTANA. QazAqparat - Astana qalasynyń ákimi Áset Isekeshev shahardaǵy qoǵamdyq kólikterdi damytýda shet aýdandarǵa basa mańyz beriletinin málim etti, dep habarlaıdy «QazAqparat» HAA tilshisi.
Shahar basshysynyń halyqpen kezdesýi barysynda turǵyndardyń birinen elordanyń shet aýdandaryndaǵy qoǵamdyq kólikterge baılanysty suraq keldi. «Astananyń shet aýdandarynda kóbirek avtobýstar qatynasa degen ótinimishimiz bar» dedi turǵyn.
Astana qalasynyń ákimi bul másele baqylaýda ekenin aıtyp jaýap berdi.
«Qoǵamdyq kólikti damytý basty baǵyttarymyzdyń biri. Biz arnaıy baǵdarlamany bekittik. Jańa aıtqanymdaı, biz 740 avtobýs satyp aldyq. Qazir 200 jańa avtobýs júrip jatyr. Jaqyn arada taǵy 180 avtobýs shyǵady. Ásirese shet aýdandardy qamtýǵa tyrysamyz. Sondyqtan, bul baǵytta jaǵdaıdy jaqsartamyz degen senimdemin», - dedi Áset Isekeshev.
