Elordada Jaqsylyq Úshkempirovke eskertkish ashyldy
NUR-SULTAN. QazAqpart - Búgin Nur-Sultan qalasyndaǵy Jekpe-jek saraıynyń aldynda qazaqtyń dańqty sportshysy, Olımpıada chempıony Jaqsylyq Úshkempirovke eskertkish ornatyldy.
Bul týraly QazAqparat Nur-Sultan qalasynyń Dene shynyqtyrý jáne sport basqarmasyna silteme jasap habarlaıdy.
Eskertkishtiń ashylý rásimine Mádenıet jáne sport mınıstri Aqtoty Raıymqulova men Nur-Sultan qalasy ákiminiń orynbasary Ashat Oralov, bokstan Olımpıada oıyndarynyń jeńimpazy Danııar Eleýsinov arnaıy qatysty.
2019 jyly ashylǵan Jekpe-jek saraıyna byltyrǵy jyldyń jeltoqsan aıynda Jaqsylyq aǵamyzdyń esimi berilgen bolatyn.
Jaqsylyq Ámiráliuly Úshkempirov-grek-rım kúresiniń palýany, Olımpıada chempıony, Qazaqstannyń Eńbek Eri, KSRO-nyń eńbek sińirgen sport sheberi (1980). Álem chempıony. «Qurmet belgisi» ordeniniń ıegeri.
Foto: inbusiness.kz
