Elordada jabyq ǵımarattaǵy meıramhana, barlardyń jumysyna ruqsat beriledi
NUR-SULTAN. QazAqparat - Nur-Sultan qalasynyń turǵyndary bas memlekettik sanıtarlyq dárigeri Aıgúl Shaǵaltaevanyń qaýlysyna sáıkes, 17 tamyzdan bastap meıramhana, dámhana, barlardyń jumysyna ruqsat beriledi, dep habarlaıdy QazAqparat tilshisi.
Qujatta qoǵamdyq tamaqtandyrý obektileriniń jumysyn (meıramhanalar, kafeler, barlar, ashanalar) kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, ǵımarattyń ishinde 30-dan artyq emes jáne jazǵy alańda 30-dan artyq emes oryndyqtardyń tolymdylyǵy boıynsha sharttardy saqtaýmen jáne kórshi ústelderdiń shetki oryndary arasynda keminde 2 metr áleýmettik qashyqtyqty saqtaı otyryp, bir ústelge 4-6 adamnan aspaıtyndaı etip otyrǵyzýmen jumys kúnderi jumys kestesin 9:00-den 23:00-ge deıin ruqat etiletindigi aıtylǵan.
Al jeke ıelik aýmaqtary men turǵyn úı ǵımarattarynda ornalasqan obektiler úshin jumys kestesi saǵat 9:00-den 22:00-ge deıin belgileı otyryp uıymdastyrylady.
Demalys kúnderi qoǵamdyq tamaqtandyrý obektileriniń jumysy tek ashyq aýada otyratyn oryn sany 30-dan aspaıtyndaı jáne tamaq jetkizýge, ózi alyp ketýge tyıym salýmen, jumys kestesi saǵat 9:00-den 22:00-ge deıin belgilene otyryp ruqsat beriledi.
Bul rette, ujymdyq, saltanatty, otbasylyq jáne basqa da buqaralyq is-sharalardy ótkizýge tyıym salynady.
