Elordada zeınetkerlerdiń áleýmettik jelidegi belsendiligi artyp keledi

ASTANA. QazAqparat - Elordanyń zeınetkerlerdiń ınternet pen áleýmettik jelilerdegi belsendigi artyp keledi. Búgin «Astana - damý men ınnovatsııanyń 20 jyly» forýmynda «Astana Innovations» AQ basqarma tóraǵasy Oljas Sartaev osylaı málim etti, dep habarlaıdy QazAqparat.

«Búginde jastardyń 80 paıyzdan astamy smartfondy belsendi túrde paıdalanady dep aıtýǵa bolady, al stýdentter arasynda bul kórsetkish 100 paıyzǵa jetip otyr. Sonymen qatar aǵa býyn da smartfondardy kóbirek ustaı bastady. Atalar men ájelerdiń de messendjerlerge ári áleýmettik jelilerge qosylýy deńgeıi artyp keledi», - dedi O. Sartaev.

Sonymen qatar ol elorda aýmaǵyn joǵary jyldamdyqty ınternetpen qamtý sharalaryna toqtaldy.

«90 paıyzdan astamy zamanaýı joǵary jyldamdyqty  4G ınternetpen qamtylyp otyr. Osynyń arqasynda barlyq tehnologııalar jumys istep tur. Bul óz kezeginde tyń ınnovatsııalardy engizý úshin qajetti orta qalyptasty degendi bildiredi», - dedi «Astana Innovations» AQ basqarma tóraǵasy.