Elordada «Zerde» olımpıadasy ótip jatyr
ASTANA. QazAqparat - Astana qalasy Bilim basqarmasy «Astana daryny» óńirlik ǵylymı-praktıkalyq ortalyǵynyń uıymdastyrýymen 5-6 synyp oqýshylary arasynda І «Zerde» aımaqtyq matematıkalyq olımpıadasyn ótkizýde.
Bilim básekesine elimizdiń ár óńirindegi jalpy orta bilim berý mekemelerinen 5-6 synyp oqýshylary qatysýda.
Olımpıadanyń maqsaty - matematıka, jaratylystaný baǵytynda qabileti joǵary daryndy oqýshylardy qoldaý jáne damytý, oqýshylardyń olımpıadalarǵa daıyndyq júıesin jetildirý.
Olımpıada tórt kezeńde ótkiziledi:
1-shi jáne 2-shi kezeń - Olımpıadanyń 1-shi kúni (testileý jáne olımpıada esepterin sheshý);
3-shi kezeń - Olımpıadanyń 2-shi kúni (aýyzsha, 5, 6-synyp oqýshylarynan qurylǵan komanda (3 oqýshydan) aýyzsha eseptiń sheshilýin qazylar alqasy aldynda qorǵaý);
4-shi kezeń - komandanyń jetekshi muǵalimderi arasynda ótkiziledi.
Olımpıadaǵa Astana, Qaraǵandy, Pavlodar qalasynan jáne Nazarbaev ıntellektýaldyq mektebinen 5-6 synyp oqýshylarynan qurylǵan komandalar qatysýda, dep habarlaıdy astana.k.
