Elordada zańsyz júrgen 356 shetel azamaty jaýapqa tartyldy
NUR-SULTAN. QazAqparat - Elordada 16 men 19 shilde aralyǵynda «Zańsyz kelýshi» jedel aldyn alý is-sharasy júrip jatyr, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Іs-shara zańsyz kóshi-qon kanalynyń aldyn alý nemese jolyn kesý maqsatynda ótkiziledi. Kóshi-qon qyzmeti, krımınaldyq polıtsııa, jergilikti polıtsııa qyzmetkerlerinen turatyn 20 mobıldi top adam saýdasy, zańsyz kóshi-qon kanalyn anyqtaý jáne qylmyskerlerdi izdestirý boıynsha elorda aýmaǵynda reıd júrgizdi.
«Іs-shara bastalǵaly QR aýmaǵynda júrip-turý erejesin buzǵan 356 shetel azamaty ákimshilik jaýapkershilikke tartyldy. Onyń ishinde esh jerde tirkelmegen 170 adam, jasap otyrǵan qyzmeti kelý maqsatymen sáıkes kelmegen nemese ruqsatsyz júrgen 150 shetel azamaty anyqtaldy. Jeke tulǵasyn anyqtaý úshin TMD eliniń 40 azamaty Nur-Sultan qalasy PD qabyldap taratý ortalyǵyna ornalastyryldy. 400 shetel azamaty ishki ister organynyń esebine qoıyldy» delingen habarlamada.
Osy eki táýlik ishinde kóshi-qon zańyn buzǵan 60 azamattyń elimizde ýaqytsha júrip-turý merzimi qysqartyldy.
