Elordada zańsyz jumys istegen 2 oıyn ortalyǵy anyqtaldy
NUR-SULTAN. QazAqparat – Elordada zańsyz oıyn bıznesiniń eki orny anyqtaldy, dep habaraıdy QazAqparat Qarjy monıtorıngi komıtetine silteme jasap.
Atalǵan komıtettiń Nur-Sultan qalasy boıynsha Ekonomıkalyq tergeý departamenti qala aýmaǵynda zańsyz oıyn bıznesin uıymdastyrý faktisin anyqtady.
Eki meken-jaı boıynsha ornalasqan oryndardy tekserý barysynda protsessorlar, uıaly telefondar, noýtbýkter, beınetirkeýshiler, ınternet-modemder, sondaı-aq aqsha qarajaty anyqtalyp, tárkilendi. Sol ýaqytta atalǵan jerde oıynshylar men oıyn ákimshisi boldy.
Qazirgi tańda QR QK 307-b. sáıkes sotqa deıingi tergeý isi qozǵalyp, (zańsyz oıyn bıznesin uıymdastyrý) qajetti tergeý amaldary júrgizilýde.
