Elordada zańsyz jalǵa berilip kelgen 600 páter anyqtaldy
NUR-SULTAN. QazAqparat - 1 sáýirden bastap astanalyq ýchaske ınspektorlary 180 myń páter men 23 myń jeke turǵyn úıdi aralap, «Ýchaske» jedel aldyn alý sharasyn qorytyndylady, dep habarlaıdy QazAqparat tilshisi.
Turǵylyqty mekenjaıy boıynsha ishki ister organdarynda esepte turǵan 1700 adam men 2700 azamattyq qarý ıesi tekserilgen.
Jumys barysynda zańsyz jalǵa berilip jatqan 600 páter anyqtalǵan. Ol aqparat qazirgi ýaqytta Nur-Sultan qalasynyń memlekettik kirister departamentine joldanyp otyr.
Jalpy, jedel aldyn alý sharalary bastalǵannan beri 6 myń adam ákimshilik jaýapkershilikke tartylǵan. Ol zańbuzýshylyqtardyń 300-i - usaq buzaqylyq bolsa, 2 myńnan astamy - tirkeýsiz nemese qujatsyz júrý sekildi buzýshylyqtar ekeni anyqtalǵan.
Sonymen birge, Qazaqstan Respýblıkasynyń zańnamasyn buzǵan 1800 shetel azamatynyń qalada turyp jatqany belgili boldy.
