Elordada zańsyz páter satqan qurylys kompanııalary jaýapqa tartyldy
NUR-SULTAN. QazAqparat- Nur-Sultanda páterlerdi zańsyz satqan qurylys kompanııalary jaýapqa tartyldy. Bul týraly qalalyq orta sapasy jáne baqylaý basqarmasy basshysynyń orynbasary Erlan Berdalın málim etti, dep habarlaıdy QazAqparat tilshisi.
«Nur-Sultan qalasynda jyl basynan beri páterlerdi zańsyz satqan 16 qurylys kompanııasyna qatysty ákimshilik is qozǵaldy. Olar baspanaly bolǵysy kelgen úleskerlerdiń aqshasyn zańsyz tartyp, tipti salynyp bitpegen páterlerdi satqan.
Sondaı-aq, atalǵan basqarma basshysynyń orynbasary zańsyz páter satýmen aınalysqan qurylys kompanııalardyń tizimin atady.
»Búginde zańbuzýshylyqqa jol bergen qurylys kompanııalardyń ústinen qozǵalǵan aryz-talaptar sotqa joldandy. Nátıjesinde, «Shang Hı Grýpp» JShS, «ExpoNewLife» TK, «Roztal» JShS, «Family Park» TK, «Mainstreet» JShS jáne «Parýs» TK páterlerdi zańsyz satqandyǵy anyqtaldy»- deıdi ol.
Onyń aıtýynsha, joǵaryda atalǵan kompanııalarǵa qatysty tergeý sharalary áli de jalǵasýda.
»Páterlerdi zańsyz satýdy boldyrmaý maqsatyndaǵy sharalardy aldaǵy ýaqytta júıeli túrde júrgizetin bolamyz«, - dep tolyqtyrdy E. Berdalın.
