Elordada zańsyz oıyn bıznesin uıymdastyrǵandar ustaldy
NUR-SULTAN. QazAqparat - Elordada zańsyz oıyn bıznesin uıymdastyrǵandar ustaldy, dep habarlaıdy QazAqparat tilshisi.
«Nur Otan» partııasynyń respýblıkalyq qoǵamdyq qabyldaýynda Іshki ister mınıstri Erlan Turǵymbaevqa elorda turǵyny óziniń máselesimen jolyǵyp, balasynyń uzaq ýaqyt boıy kompıýterlik klýbtarǵa barǵanyn aıtty. Vırtýaldy qumar oıyndarda jas jigit qomaqty aqshasynan utylyp, jınaǵan múliginen aıyrylǵan. Osynyń saldarynan belshesinen qaryzǵa batty. Mınıstrdiń tapsyrmasy boıynsha bıylǵy 27-30 naýryz aralyǵynda elordada QR ІІM Krımınaldyq polıtsııa departamenti men qalalyq Polıtsııa departamenti zańsyz oıyn bıznesin uıymdastyrǵandardy anyqtaý boıynsha jedel-izdeý sharalaryn ótkizdi», - delingen taratylǵan habarlamada.
Arnaıy sharalardyń barysynda 32 oıyn termınaldary ornatylǵan 19 nysan tekserildi. Oıyn bıznesi týraly Zańǵa sáıkes, elimiz aýmaǵynda ınternet-kazınony uıymdastyrýǵa tyıym salynǵan. Oıyn avtomattary Şýchınskte jáne Qapshaǵaıda ornatylady.
Tekserý kezinde zańsyz bıznesti uıymdastyrýshy alty adam men oıyn atomattary turǵan dúkendi jalǵa alýshy 13 turǵyn anyqtaldy. Zańnamaǵa sáıkes, ǵımarattaryn zańsyz oıyn bıznesin uıymdastyrýǵa bergeni úshin atalǵan nysandardyń ıelerine qatysty qylmystyq jaýapkershilik qarastyrylǵan. Qazirgi ýaqytta atalǵan faktiler boıynsha tergeý amaldary júrgizilýde.
