Elordada zańsyz qoqys oryndaryn anyqtaý úshin dron men mobıldi robot qoldanylady
NUR-SULTAN. QazAqparat – Elordada zańsyz qoqys oryndaryn anyqtaý jáne tártipti saqtamaýshylarmen kúres úshin mobıldi robot pen drondy qoldanatyn pılottyq joba iske asyrylyp jatyr, dep habarlaıdy QazAqparat qala ákimdigine silteme jasap.
2021 jyldyń qazan aıynan bastap elordanyń Qorshaǵan ortany qorǵaý jáne tabıǵatty paıdalaný basqarmasy «Qmobot» JShS mamandary jasaǵan mobıldi robottardy qoldana otyryp, zańsyz qurylys jáne qatty turmystyq qaldyqtar tastaıtyn oryndardy jáne ózge de ekologııalyq talaptardy saqtamaý faktilerin monıtorıngileý jónindegi pılottyq jobany iske qosty.
«Tehnologııa eki «aqyldy» beıne jazǵyshtan turady, olar polıgon men irgeles júris bóliginde kez-kelgen qozǵalysty tirkeıdi.
Eger tártip buzýshy, mysaly, júk kóligi tabylsa, júıe memlekettik nómirdi, ýaqytty jáne ornalasqan jerdi belgileıdi. Robottyń analıtıkalyq modýli quqyq buzýshylyq týraly sýretter jáne málimettermen esep jasaıdy. Qazirgi ýaqytta osy jumysqa 10 mobıldi robot pen 2 dron qoldanyldy», delingen habarlamada.
Basqarmanyń málimdeýinshe, ekologııalyq quqyq buzýshylyqty, jańa polıgondardyń sanıtarlyq jaǵdaıyn jáne olardan tabylǵan tártip buzýshylardy dronnyń jáne ózge de beıne-fototehnıkanyń kómegimen tirkeý boıynsha belsendi jumysty mobıldi toptar júzege asyrady.
«Jumys barysynda buryn belgisiz bolǵan qoqys oryndary, qardy polıgon aýmaǵynan basqa jerlerge ruqsatsyz tógý jáne qalalyq nóser kommýnıkatsııalaryna tazartylmaǵan sharýashylyq-turmystyq sýdy aǵyzý ýchaskeleri anyqtaldy.
Osy jyldyń qazan-qarasha aılarynda joba sheńberinde 58 quqyq buzýshylyq tirkeldi, zańsyz qoqys tógýge qatysty 13 jaǵdaıdyń aldyn aldy, barlyq materıaldar kináli tulǵalardy jaýapkershilikke tartý úshin quqyq qorǵaý organdaryna joldanǵan», delingen habarlamada.
Jasalǵan quqyq buzýshylyqtardy taldaý nátıjesi orsyndaı oqıǵa «Esil» aýdanynda kóp tirkelgen - 30 fakt. Olardyń kóbi ruqsatsyz qar jáne qoqys tógýge qatysty.
Jiberilgen materıaldarǵa sáıkes jaýapkershilikke tartylǵan tulǵalardyń aıyppuldarynyń jalpy somasy 1,5 mln teńgeden asty.
Monıtorıng júıesiniń málimetteri ahýaldyq ortalyqta saraptalady. Ortalyq baqylaý toptarynyń, alańdaǵy robottardyń jumysyn jáne olardyń ózara árekettesýin baqylaý úshin servermen jáne jumys mashınalarymen jabdyqtalǵan. Robottar beıneni ortalyqtyń serverine jiberedi, onda neırondyq jeli ony taldaıdy jáne kólik anyqtalǵan kezde esep berý úshin derekterdi saqtaıdy. Ahýaldyq ortalyqtyń operatory mobıldik toptar men robottardan foto-beınematerıaldardy alyp, keıinnen esep daıyndaıdy. Serverinde quqyq buzýshylyq týraly derekter jáne robottar men drondardan alynǵan beıneler saqtalady.
Budan basqa, buzýshynyń TQQ tıeý núktesinen túsirý ornyna deıingi naqty qozǵalys baǵytyn jedel belgileý úshin joba mamandary «Nur-Sultan qalasynyń Qalalyq monıtorıng jáne jedel áreket etý ortalyǵymen» belsendi túrde yntymaqtastyq jasaıdy, onyń quramyna IKomek biryńǵaı baılanys ortalyǵy, «Sergek» beınebaqylaý júıesi kiredi.
Bolashaqta basqarma osy jobany odan ári iske asyrýdy josparlap otyr, bul ekologııalyq buzýshylyqtardyń aldyn alýǵa jáne elorda halqynyń jalpy eko-mádenıetin damytýǵa múmkindik beredi.
