Elordada zańger mamandar elimizdiń quqyq qorǵaý salasyn jetildirýdi kózdeıtin májilis ótkizdi
ASTANA. 19 sáýir. QazAqparat /Aıdar Ospanalıev/ - Búgin Astanada «Qazaqstan Respýblıkasynyń quqyq qorǵaý organdary júıesi qyzmetiniń uıymdastyrý-quqyqtyq negizderin jetildirýdiń ózekti problemalary» taqyrybynda dóńgelek ústel otyrysy ótti.
Atalmysh shara barysynda quqyq qorǵaý organdaryn memlekettiń ishki saıasatynyń basym baǵyttarynyń biri retinde reformalaý máseleleri talqyǵa tústi. Naqtyraq aıtqanda, onda qylmysty pedagog, psıholog mamandardyń kómegimen erte bastan-aq saýyqtyrýǵa baǵyttalǵan arnaıy baǵdarlama daıyndap, ishki ister organdarynda jumys isteıtin mamandardy tańdaý sharalaryn qatańdatý máselesi keńinen sóz boldy. Osy másele tóńireginde jıynǵa qatysýshylar ózderiniń oılaryn ortaǵa salyp, pikir talastyra kele, quqyq qorǵaý organdarynyń qyzmetin retteıtin zańnamalarǵa sholý jasaý qajet degen baılamǵa keldi. Aldaǵy ýaqytta osy baǵyttaǵy jumystardyń qorytyndylary ulttyq zańnamany jetildirýge baǵyttalǵan zań jobalaryn daıyndaý barysynda nazarǵa alynbaq.
Sharaǵa quqyq qorǵaý, zań salasynyń mamandary men ǵalymdar, memlekettik organdardyń qyzmetkerleri men Parlament ókilderi qatysty.
