Elordada zamanaýı servıstik polıtsııa beketi qalaı jumys isteıdi
«Memleket basshysynyń tapsyrmasy boıynsha mınıstr elordada servıstik polıtsııa qyzmetin jetildirýdi júktedi. Búginde atalǵan jańa túri Almaty aýdandyq polıtsııa basqarmasy janynda polıtsııa bóliminde pılottyq rejımde iske asyp jatyr. Servıstik polıtsııa qyzmeti pılottyq rejımde ótken jyldyń jeltoqsan aıynda qolǵa alynyp, bıyl jeltoqsanda qorytyndysyn shyǵaryp, esep beremiz. Biz turǵan zamanaýı servıstik polıtsııa beketi demeýshilerdiń qoldaýymen ashyldy. Sondaı-aq, bizdiń mamandar bilim-bilikterin jetildirdi. Servıstik polıtseılerge qoıylatyn búgingi talap halyqpen til-tabysyp, tyǵyz jumys isteý, halyq arasynda túsindirý jumystaryn túsindirý, qoǵam jáne jolda júrý qaýipsizdigin qamtamasyz etý», - dedi Nur-Sultan qalasy Polıtsııa departamenti basshynyń birinshi orynbasary Baqytjan Malybaev.
Qazir elorda aýmaǵynda 2 zamanýı servıstik polıtsııa beketi iske qosyldy. Biri Almaty aýdanynda, ekinshisi Saryarqa aýdanynyń aýmaǵynda ornalasqan.
«Bizdiń qyzmetkerlerdiń jumysy barysynda beınebaqylaý kameralarynyń paıdasy kóp. Qazir kez kelgen istiń mán-jaıyn kameranyń kómegimen anyqtaýǵa bolady. Sondaı-aq, qalada dabyl tetikteri qoıylyp jatyr. Bul qylmysty ashýdy nemese qylmyskerdi jyldam ustaý protsesinde kómegi kóp. Buıryqqa saı polıtsııa qyzmetkeri qońyraý túskennen keıin 5 mınýttyń ishinde bolýy tıis», - deıdi ol.
Jańadan ashylǵan servıstik polıtsııa beketiniń artyqshylyǵy onda barlyq jaǵdaı jasalǵan. Atap aıtqanda, zamanaýı ári yńǵaıly keńse, analar men balalarǵa arnalǵan bólme bar. Polıtsııa beketi tolyqtaı beınebaqylaý kamerasy júıesimen qamtylyp, aýdannyń elektrondyq kartasy jasalǵan.
Sondaı-aq, kámelet jasyna tolmaǵan jasópirimdermen jumys isteý úshin bólek bólme qarastyrylǵan.
Odan bólek, polıtsııa qyzmetkerleri úshin de jaǵdaı jasalyp, arnaıy kabınetpen qamtylǵan.
