Elordada XIX «Shabyt» halyqaralyq festıvali ashyldy
ASTANA. QazAqparat - Astanada XIX «Shabyt» halyqaralyq shyǵarmashyl jastar festıvaliniń ashylýy ótti.
Bıyl baıqaýǵa qatysýǵa 644 úmitker ótinim bergen, ótken jylǵa qaraǵanda bul kórsetkish eki esege artyp otyr. Bul týraly búgin jýrnalıstermen kezdesýde shyǵarmashylyq baıqaýdyń uıymdastyrýshylary habarlady.
«Úmitkerlerdiń deni «Beıneleý ónerinde» baǵyn synamaq - bul nomınatsııada 192 ótinim, «Horeografııa» - 154 jáne «Halyq mýzykasy» nomınatsııasy boıynsha 134 ótinim qabyldandy. Sońǵy nomınatsııaǵa qatysatyn jastar dombyra, prıma-qobyz, qylqobyz, sherter-bas sherter jáne prıma-dombyra aspaptarynda shyǵarmalar oryndaýǵa tıis. Qazylar alqasynyń quramyna amerıkalyq klarnetshi ıÝlıan Mılıks jáne armenııalyq keskindemeshi Vardges Hahamıan sııaqty álem elderiniń óner qaıratkerleri endi», - dep habarlandy Astana ákimdiginiń resmı saıtynda.
«Festıvaldiń tanymaldylyǵy jyldan-jylǵa artyp keledi. Shekarasy joq bul shara túrli mádenıetter men elder adamdarynyń basyn qosady. Bul jolǵy festıval el táýelsizdiginiń mereıtoıyna oraılastyrylyp otyr. Bıyl konkýrsqa 33 jasqa deıingi óner ıeleri qatysýda. Olarǵa qoıylatyn talap joǵary, bir orynǵa 4-5 úmitkerden. Birinshi kezekte, shyǵarmashylyq jumystardy baǵalaýda Táýelsizdiktiń 25 jyldyǵy ıdeologııasyna basa nazar aýdarylady», - deıdi aqyn, Qazaqstannyń eńbek sińirgen qaıratkeri Nesipbek Aıtuly.
Bıylǵy jyly elordalyqtar belsendilik tanytyp otyr, Astanadan «Shabyt» festıvaline qatysýǵa 175 adam nıet bildirgen, qalǵan ótinimder Qazaqstannyń basqa qalalarynan, sondaı-aq, Ázerbaıjan, Qytaı, Qyrǵyzstan, Reseı, Ózbekstan jáne Ýkraına elderinen túsken.
Konkýrsanttardy irikteý úsh kezeńmen ótedi. Qatysýshylardyń repertýary men árbir mýzykalyq aspapqa arnalǵan shyǵarma aldyn ala bekitilgen. Árbir nomınatsııa boıynsha baıqaýdyń baǵdarlamasy men ótetin orny týraly tolyq aqparat www.shabyt.astana.kz saıtynda jarııalanǵan.
Festıvaldiń saltanatty jabylýy qarashanyń 8-inde Beıbitshilik jáne kelisim saraıynda ótedi, shara aıasynda gala-kontsert pen jeńimpazdardy marapattaý rásimi uıymdastyrylady.
«Shabyt» halyqaralyq shyǵarmashyl jastar festıvali osymen 19-shy ret ótkizilip otyr jáne bul - shyǵarmashyl jastarǵa úlken sahnaǵa shyǵýǵa múmkindik beretin biregeı alań. Negizi qalanǵan ýaqyttan beri festıvalge ónerdiń túrli janrlarynda 10 myńnan asa óner ıesi qatysty.
