Elordada World Beauty Astana 2016 festıvaliniń grand-fınaly ótip jatyr
ASTANA. QazAqparat - Búgin Astanada World Beauty Astana 2016 sulýlyq pen sán festıvaliniń álemdik grand-fınalynyń ekinshi jarys kúni ótti. Shara álemniń túrli memleketterinde ótken konkýrstardyń qorytyndysy bolyp tabylady.
Búgin qazylar alqasy Qazaqstan men Tájikstan dızaınerleriniń eńbekterine óz baǵasyn berdi, dep habarlaıdy astana.kz.
Konkýrs Astana qalasy ákimdiginiń qoldaýymen Beıbitshilik jáne kelisim saraıynda ótip jatyr. Oǵan álemniń 4-ten 28 jasqa deıingi 20 memleketinen 75 adam jáne Qazaqstannan 50 daryn qatysady.
Qazylar alqasynyń múshesi baronessa Galına de Býard Qazaqstannyń astanasy men halqyna degen zor yqylasyn bildirdi.
«Qazaqstan memleketi, halqy jáne astanasy óte ádemi. Sizder úshin bul ádettegi jaıt bolar. Eger sán kórsetilimin ótkizetin bolsaq, sánbıkelerdiń 50% osy elden bolatyny anyq. Qyzdar óte sulý, bul óte qyzyq jáne erekshe», - dedi ol.
Baıqaý jeńimpazdarynyń esimderi erteń, 5 qarashada saǵat 18.00 Beıbitshilik jáne kelisim saraıynda ótetin saltanatty shara barysynda belgili bolady. Sonymen qatar, kópshilik nazaryna Per Karden Sán úıiniń erler men áıelderge arnalǵan kıim jıyntyǵynyń kórsetilimi ótedi.
World Beauty sulýlyq jáne sán baıqaýynyń negizi 2006 jyly Amerıkada qalanǵan. Álemdik grand-fınaldary AQSh-ta, Italııada, Frantsııada, Koreıada, al ótken jyly Vetnamda uıymdastyrylǵan. Astanada festıval aıasynda sulýlyq pen daryn (qyzdar men jigitterdiń arasynda) baıqaýy, sánbıkeler, modelder, dızaınerler jáne vızajıster konkýrstary ótedi.
Bas júlde - jobanyń áriptesi, tanymal kýtıýre Per Karden uıymdastyratyn Parıjdegi sán daryndarynyń festıvaline qatysýǵa 4 sertıfıkat, sondaı-aq, Máskeýdegi sán aptalyǵyna da sertıfıkattar bar.
