Elordada volonterler jarty mıllıonnan astam medıtsınalyq maska taratty

NUR- SULTAN. QazAqparat -Qalalyq jastar saıasaty basqarmasynyń eriktiler shtaby «Jas Otan» jastar qanatynyń volonterlerimen birge azyq-túlik-sebetteri men gıgıena zattaryn (medıtsınalyq maskalar, antıseptıkter) taratýdy jalǵastyrýda, dep habarlaıdy elorda ákimdiginiń resmı saıty.

Búginge deıin olar muqtaj otbasylarǵa qajetti taýarlarmen birge 10 myńnan astam azyq-túlik sebetin taratty. Qazirdiń ózinde 500 myń maska taratyldy. Nur Otan partııasynyń qoldaýymen #bizbirgemiz aktsııasynyń ekinshi tolqyny aıasynda qalaǵa 2 mıllıon maska ákelinip, onyń úshten biri taratyldy. «Eriktiler qyzmetine aqy tólenedi degen qate pikir bar. Bul «volonter», ıaǵnı, erikti uǵymyn túbegeıli teriske shyǵarady. Erikti – qoǵamǵa paıdaly qyzmetpen aqysyz aınalysatyn adam», – dep atap ótti qalalyq jastar saıasaty basqarmasynda. Habarlanǵandaı, Elbasy, «Nur Otan» partııasynyń Tóraǵasy Nursultan Nazarbaevtyń tapsyrmasy boıynsha muqtaj jandarǵa: Nur-Sultan men Almatyda jalǵyz basty qarttarǵa, erekshe qajettilikteri bar azamattarǵa jáne az qamtylǵan kóp balaly otbasylarǵa ataýly kómek kórsetý úshin qarajat bólindi.