Elordada «Vısla» polıak kınolary festıvali bastaldy
NUR-SULTAN, QazAqparat - Elordada «Vısla» polıak kınosynyń úshkúndik festıvali bastaldy, dep habarlaıdy QazAqparat tilshisi.
Bul joly halyqaralyq festıvalderde qazylar alqasynyń iriktegen jáne polsha kórermenderiniń kóńilinen shyqqan 5 fılm kórsetiledi.
«Meni Nur-Sultan qalasynyń záýlim úılerine qaraǵanda, osynda turyp jatqan adamdar tańǵaldyrdy. Bul festıvaldi uıymdastyrǵanymyzǵa 12 jyl boldy. Osy ýaqytqa deıin festıval álemdegi 14 memleket, 52 qalada ótti. Bıyl bul festıval Nur-Sultan, Almaty, Qaraǵandy qalalarynda ótedi», - deıdi «Vısla» polıak kınolary festıvaliniń dırektory Malgojata Skýlska.
Sondaı-aq, Qazaqstandaǵy Polsha elshisi Selım Hazbıevıch festıvalge kelgenderge alǵys aıtty.
«Polsha tarıhı fılmderdi joǵary deńgeıde túsire bastady, endi polshalyq jas rejısserlerdiń zamanaýı baǵytta túsirgen fılmderin de kórgimiz keledi», - deıdi ol.
Polıak kınolary festıvaliniń shymyldyǵy rejısser Pavel Pavlıkovskıdiń «Holodnaıa voına» fılmimen ashyldy. Aýqymdy is-shara aldaǵy eki kúnde jalǵasyn tappaq.
