Elordada VI Rýsıstıka kúzgi mektebiniń ashylý saltanaty ótti

 dep habarlaıdy QazAqparat.

 Qazaqstan halqy tilderi festıvali kúnderinde jyl saıyn turaqty ótip kele jatqan mekteptiń ashylý saltanatyna L.Gýmılev atyndaǵy Eýrazııa ulttyq ýnıversıteti tarıh-fılologııa fakýltetiniń dekany Sholpan Jarqynbekova, Reseıdiń Qazaqstandaǵy elshiliginiń aǵa keńesshisi Sergeı Annenkov, Astana qalalyq bilim basqarmasy bastyǵynyń orynbasary Gúlnár Jaqypova qatysty. 

Mektep aǵymdaǵy jylǵy jumysyn uly jazýshy N.V.Gogoldiń týǵanyna 200 jyl tolý qurmetine arnap otyr. «Qazaqstanda orys tili men ádebıetin oqytýdyń jaǵdaıy men perspektıvalary» atty taqyryppen ótetin oqýlar barysynda Máskeýdiń, Astananyń jáne Qaraǵandynyń belgili tilshi-ǵalymdary tyńdaýshylarǵa birqatar oqý-ádistemelik sharalar ótkizedi.  

Rýsıstıka mektebin bitirgennen keıin tyńdaýshylarǵa biliktiligin arttyrý kýrsynan ótkendigi týraly sertıfıkat tabys etiledi.