Elordada «Vengerlik rapsodııa» atty mýzykalyq kesh ótedi
ASTANA. 18 aqpan. QazAqparat - QR Tuńǵysh Prezıdenti murajaıy Qazaqstandaǵy Vengrııa Respýblıkasynyń Elshiligimen birge «Vengerlik rapsodııa» atty mýzykalyq kesh ótkizedi, dep habarlady atalǵan mekemeniń baspasóz qyzmetinen.
Tuńǵysh Prezıdent murajaıynda belgili pıanınoshy Derd Oravets F.Lıstiń fortepıanolyq shyǵarmalaryn oryndaıdy. Sonymen qatar, qonaqtardyń nazarlaryna F.Lıstiń shyǵarmashylyq ómirbaıany jáne Vengrııa mádenıeti men tarıhy týraly baıandaıtyn aqparattyq stendter kórmesi usynylatyn bolady. Bul - Eýrodaqtaǵy Vengrııanyń tóraǵalyǵyna jáne Ferents Lıstiń 200 jyldyq mereıtoıyn atap ótýge arnalǵan Astananyń mádenı ómirindegi tuńǵysh jáne dara mýzykalyq oqıǵa.
Kórnekti vengerlik kompozıtor Ferents Lıstiń 200 jyldyq mereıtoıyn búkil álem elderi atap ótýde. Qazirgi ýaqytqa deıin belgili pıanınoshylardyń kontsertteri men jas mýzykanttardyń halyqaralyq baıqaýy Nıý-Iork, Máskeý, Sankt-Peterbor, Baký jáne t.b. qalalarda ótti. Saltanatty merekelik sharalar, konkýrstar men kontsertter álemniń kóptegen qalalarynda Búkilálemdik Lıst kúni dep jarııalanǵan 2011 jyldyń 22 qazanyna deıin jalǵasady.
Ferents Lıst (1811-1886) - vengerlik kompozıtor, pıanınoshy, dırıjer, pýblıtsıst, pedagog, mýzykalyq romantızmniń iri ókili. Býdapeshttegi Mýzyka akademııasynyń tuńǵysh prezıdenti jáne negizin qalaýshylardyń biri.
