Elordada velojarys kezinde er adam kóz jumdy
ASTANA. QazAqparat - Elordada velojarys kezinde er adam kóz jumdy. QR Velocıped sporty federatsııasynyń málimetinshe, onyń júregi toqtap qalǵan, dep habarlaıdy QazAqparat.
«Búgin elordada Tour of Uly Dala dodasy kezinde velojarysqa qatysýshylardyń biri esinen tanyp qulaǵan jáne sol jerde qaıtys bolǵan. Aldyn ala málimet boıynsha, 1983 jylǵy er adamnyń júregi toqtap qalǵan. Jarys kezinde kezekshilik atqarǵan jedel járdem brıgadasy oǵan jedel medıtsınalyq kómek kórsetken, alaıda aman alyp qalý múmkin bolmady» delingen Qazaqstan velosport federatsııasy joldaǵan habarlamada.
Velojarysty uıymdastyrýshylar marqumnyń týǵan-týystaryna jáne jaqyndaryna kóńil aıtty.
Sondaı-aq, osy oqıǵadan keıin velojarysty aıaqtap, 16 shildege josparlanǵan kezeńdi ótkizýdi toqtatý jóninde sheshim qabyldandy.
