Elordada velosporttan álem chempıonaty ótýde
ASTANA. QazAqparat - 19-23 tamyz kúnderi Astanada jasóspirimder arasyndaǵy velosporttan UCI álem Chempıonaty bastaldy. Jarysqa álemniń 32 elinen 200 sportshy qatysyp jatyr. Álem birinshiliginde barlyǵy 19 medal oınatylady.
Bul týraly elorda ákimdiginiń resmı saıtynda habarlandy.
Saıyskerler velosporttyń kelesi túrleri boıynsha synǵa túsedi: 1000 metrlik gıt, keırın, sprınt, komandalyq sprınt, komandalyq jarys, jeke jarys, toptyq jarys, skretch jarysy, medıson jáne omnıým.
Eske sala keteıik, 2011 jyly elimiz trektegi velosport boıynsha álem Kýbogyn sátti ótkizgen bolatyn, al 2014 jyly tas jol men trektegi velosport boıynsha Azııa Chempıonaty ótti. Jarystardy joǵary dárejede uıymdastyrý, sportshylarǵa yńǵaıly jaǵdaı jasaý men basty delegattardyń jaǵymdy pikirleriniń arqasynda Halyqaralyq UCI velosıpedshiler odaǵy 2015 jylǵy jasóspirimder arasyndaǵy álem Chempıontan Astana qalasynda ótkizý týraly sheshim qabyldaǵan bolatyn.
