Elordada velosıpedti jalǵa berý qyzmeti iske qosylady
NUR-SULTAN. QazAqparat - Nur-Sultanda 3 jyl ishinde 130 km velojol salynady, dep habarlaıdy QazAqparat qala ákiminiń baspasóz qyzmetine silteme jasap.
Bıyl Nur-Sultanda 45 km velojol salynsa, 3 jyl ishinde 130 km velojol salý josparlanyp otyr. Ýaqyt óte kele elordanyń negizgi kósheleriniń barlyǵynda derlik velojol salynady. Bul elorda turǵyndary men qonaqtary arasynda velosportty damytýǵa múmkindik beredi.
Esterińizge sala keteıik, 2020 jylǵy 13 mamyrdan bastap Nur-Sultan qalasynda velosıpedterdi jalǵa berý qyzmeti jumysyn bastaı̆dy.
Paı̆dalanýshylar úshin 50 velostansaǵa 200 velosıped qoı̆ylady. Maýsym aı̆ynda velosıped sany úsh ese kóbeı̆edi. Elorda turǵyndary men qala qonaqtaryna 155 stansada 700 velosıped qoljetimdi bolady. Bul qala turǵyndary úshin avtomobıl men qoǵamdyq kólikke balama bolady.
Velosıpedterdi júı̆ede tirkeý rásimin ótkennen keı̆in ǵana jalǵa alýǵa bolady. Ol úshin www.velobike.kz saı̆tyna kirý qajet. Júı̆ede 16 jastan asqan adamdar tirkele alady.
Abonementterdi 13 mamyrdan bastap City Transportation Systems kassalarynan satyp alýǵa bolady. Velosıpedti jalǵa berý júı̆esi 24/7 rejıminde jumys isteı̆di.
