Elordada vaktsına pýnkti ashylǵan saýda ortalyqtary 22:00-ge deıin jumys isteıdi
NUR-SULTAN. QazAqparat - Elordadaǵy vaktsınatsııalaý pýnkteri ashylǵan SOO-lardyń saǵat 22:00-ge deıin jumys isteýine ruqsat berildi, dep habarlaıdy QazAqparat qala ákimdigine silteme jasap.
Elordadaǵy vaktsınatsııalaıtyn 100 kabınette jumys istep tur. Onyń ishinde egý pýnktteri «Mega Silk Way» jáne «Han Shatyr» SOO-larynda ashyldy. Endi ózge saýda-oıyn-saýyq ortalyqtary men oryndarda ashylý qaralyp otyr.
Qazirgi ýaqytta adam kóp jınalatyn oryndarda qosymsha egý kabınetterin ashý úshin daıyndyq júrgizilip jatyr. SOO-da sanıtarııalyq-epıdemıologııalyq talaptardyń bári medıtsınalyq uıymdaryndaı saqtalady.
Halyqtyń kóp aǵynyn eskere otyryp, árbir komponent úshin qosymsha jeke oryndar kózdeledi.
Búgingi kúni joǵaryda atalǵan saýda-oıyn-saýyq ortalyqtarynan basqa «Mechta» saýda jelisinen, «Soltústik» SÚ, «Nurbereke 555» JShS jappaı vaktsınatsııa júrgizý úshin egý pýnktterin ashý talaptaryn túsindirý jóninde ótinish joldady.
Halyqty vaktsınatsııalaýmen barynsha qamtýǵa qol jetkizý maqsatynda QR Bas memlekettik sanıtarlyq dárigeriniń 12 sáýirdegi qaýlysynyń talaptaryna sáıkes egý pýnktteriniń jumysy úshin tıisti jaǵdaı jasalǵan obektilerdiń saǵat 22.00-ge deıin jumys isteýine ruqsat berildi.
Eske sala ketsek, elordada «Keruen» men «Ábý-Dabı Plazada» COVID-19-ǵa qarsy vaktsınatsııa pýnktteri ashyldy.
