Elordada vaktsına alǵandar arasyndaǵy utysqa iPhone telefondary tigiledi
NUR-SULTAN. QazAqparat – Elorda vaktsına alǵandarǵa arnalǵan alǵashqy eki iPhone kelesi aptada oınatylady. Bul týraly Nur-Sultan qalasynyń ákimi Altaı Kólginov aıtyp berdi, dep habarlaıdy QazAqparat tilshisi.
«Biz IT-qaýymdastyqpen keńestik jáne qundy syılyqtardy Birge platformasynda oınatatyn boldyq. Qosymsha jaqynda iske qosyldy. Biz munyń ádilettilik qaǵıdaty boıynsha ashyq bolǵanyn qalaımyz, sondyqtan vaktsına alǵan barlyq adam utysqa qatysady. Utys tikeleı efırde kezdeısoq sandardy kezdeısoq terý ádisimen ótedi. Alǵashqy iPhone telefondary kelesi aptada oınatylady», - dedi A. Kólginov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, apta saıyn eki iPhone oınatylady.
«Meniń oıymsha, bul – vaktsınalaý úshin jaqsy yntalandyrý jáne bul halyqaralyq tájirıbe. Avtokólikter men páterler de dál solaı. Avtokólik Megaortalyqta oınatylady», - dedi Altaı Kólginov.
Aıta keteıik, elordalyqtar arasynda vaktsınalaýdy yntalandyrý úshin demeýshilik qarajat esebinen 20 iPhone12 oınatylady.
