Elordada vaktsına alǵan zeınetkerler arasynda shıpajaıǵa tegin joldama oınatylady
NUR-SULTAN. QazAqparat - Elordada 28 qazan men 28 jeltoqsan aralyǵynda vaktsınanyń birinshi komponentin alǵan koronavırýsqa qarsy egilgen zeınetkerler Qazaqstan shıpajaılaryna tegin joldamalar ala alady. Utys oıyny 29 jeltoqsanda ótedi, dep habarlaıdy qala ákimdiginiń resmı saıty.
Nur-Sultanda 28 qazan men 28 jeltoqsan aralyǵynda koronavırýsqa qarsy vaktsına alǵan zeınetkerler Saryaǵash (Túrkistan oblysy), Oqjetpes (Aqmola oblysy), Moıyldy (Pavlodar oblysy) shıpajaılaryna tegin joldama alý múmkindigine ıe.
Utys oıynyna elordanyń kez kelgen vaktsınatsııa pýnktinde vaktsınanyń birinshi komponentin alǵan zeınetkerler qatysa alady.
Baıqaý ádettegideı avtomatty rejımde ótkiziledi. Azamattarǵa qujattardy toltyrýdyń jáne tirkeýden ótýdiń qajeti joq. Sanatorııge joldamalardyń utys oıyny Nur-Sultan qalasy ákimdiginiń resmı paraqshalarynda (Facebook, YouTube) tikeleı efırde ótedi.
Aıta ketý kerek, Nur-Sultanda koronavırýsqa qarsy vaktsınatsııalanǵandar arasynda Maldıvke eki adamǵa joldama jáne basqa da baǵaly syılyqtar oınatylady. Koronavırýstyń jańa «omıkron» shtamynyń taralýyna baılanysty shetelde oryn alǵan qolaısyz epıdemıologııalyq jaǵdaıǵa baılanysty utys oıyny 2022 jyldyń aqpan aıyna aýystyryldy. Oǵan 2021 jyldyń 25 qazanynan 2022 jyldyń aqpanyna deıin vaktsınanyń 1-shi komponentin alǵan vaktsınalanǵandar qatysady.
Buǵan deıin elorda ákimdigi demeýshilermen birlesip koronavırýsqa qarsy vaktsınatsııalanǵandar arasynda eki bólmeli páter, avtokólik, 20-dan astam iPhone12, turmystyq tehnıka jáne basqa da baǵaly syılyqtar oınatyldy.
Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol júlde ıegerlerin vaktsınatsııalanǵandardyń ID generatsııasy arqyly tańdaıdy. Ony ázirleýge IT-qaýymdastyq ta qatysty. Vaktsınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Baǵaly syılyqtardyń utys oıyndary azamattardy vaktsınatsııalaýǵa yntalandyrý maqsatynda ótkiziledi. Tek vaktsınatsııa sizdiń jáne jaqyndaryńyz ben aınalańyzdaǵy adamdardyń densaýlyǵyn qorǵaýǵa múmkindik beredi.
Óıtkeni, basty maqsat - ujymdyq ımmýnıtetti damytý jáne burynǵy karantınge deıingi rejımge oralý.
