Elordada vakansııalardyń onlaın-jármeńkesinde jumysty qalaı tabýǵa bolady
Qala ákimdiginen málim etkendeı, jumys tapqysy keletinder áleýmettik jeliden arnaıy tikeleı efırlerdi kóre alady. Translıatsııa kezinde jumys berýshiler negizgi eńbek jaǵdaılary men bos jumys oryndary týraly aıtady.
«Ortasha alǵanda, bir shaǵyn suhbat shamamen 10-15 mınýtty quraıdy. Bul kezde kompanııa ókilderi negizgi jumys jaǵdaılaryn túsindiredi. Tikeleı efırdi kóretinder jáne jumys ornyna qyzyǵýshylyq tanytqandar kompanııanyń baılanys aqparatyn jazyp alyp, pikir qaldyra alady. Nemese jumyspen qamtý ortalyǵyna habarlassa, olar qajetti derekterdi tabýǵa kómektesedi», - dep túsindirdi jumys berýshilermen ózara is-qımyl bóliminiń basshysy Baqyt Raqysheva.
Aıta keteıik, qurylys, saýda, tamaq jáne densaýlyq saqtaý salalarynyń mamandary búginde eńbek naryǵynda eń kóp suranysqa ıe. Suranysy joǵary mamandyqtar qatarynda jumysshy, montajshy, brıgadır, kirpish qalaýshy, armatýrashy, kassır, satýshy, sanıtar jáne taǵy basqalary bar.
«Turǵyndar óz qalaýyna baılanysty jumys taba alady. Kóbine basqa format usynylady, onyń ishinde jartylaı jumys kúni de bar», - dep túsindirdi Jumyspen qamtý ortalyǵynan.
Onlaın jármeńkeler ár eki apta saıyn beısenbi kúni saǵat 15:00-de Nur-Sultan qalasynyń Jumyspen qamtý ortalyǵynyń Instagram -paraqshasynda ótedi.
Bos jumys oryndar jármeńkesiniń tolyq nusqasyn IGTV-de kórýge bolady.
Vakansııalar týraly aqparat www.enbek.kz portalynda da jarııalanady.
Qosymsha aqparatty 7(7172)57 89 37, 57-88-89, 24-83-02, 8 777 116 82 73 telefondary arqyly alýǵa bolady. Jumyspen qamtý ortalyǵynyń mekenjaıy Beıbitshilik kóshesi, 25, «Órken» iskerlik ortalyǵy.
