Elordada úzdik PIK baıqaýy jarııalandy

NUR-SULTAN. QazAqparat - Baıqońyr aýdanynyń PIK-ter qaýymdastyǵy úzdik páter ıeleriniń kooperatıvin anyqtaýǵa arnalǵan baıqaý jarııalady, dep habarlaıdy QazAqparat Elorda Infoǵa silteme jasap.

Baıqaýda úzdik elektrık, santehnık, aýla sypyrýshy, eden jýýshylar da anyqtalady.

Baıqaýdy Baıqońyr aýdanynyń PIK-ter qaýymdastyǵy aýdandyq ákimdiktiń apparaty qoldaýymen birlesip ótkizedi.

Baıqaýǵa qatysýǵa ótinimder 15 naýryz ben 30 sáýir aralyǵynda tómendegi atalymdar boıynsha qabyldanady:

1. Úzdik PIK;

2. Úzdik PIK tóraǵasy;

3. Úzdik santehnık;

4. Úzdik aýla sypyrýshy;

5. Úzdik eden jýýshy.

«Baıqaý turǵyn úı qoryn kútip ustaý jáne aýla aýmaqtaryn abattandyrý boıynsha barynsha adal qyzmet kórsetetin uıymdardy anyqtaýǵa baǵyttalǵan. Baıqaýǵa Nur-Sultan qalasynyń «Baıqońyr» aýdany sheginde qyzmet kórsetetin uıymdar qatysýǵa quqyly. Úzdik PIK, tóraǵany/dırektordy, tehnıkalyq personaldy (elektrık, santehnık, aýla sypyrýshy, eden jýýshy) tańdaý týraly sheshimdi Baıqońyr aýdanynyń PIK Assotsıatsııasynyń basqarma músheleri turǵyndarmen jumys isteý sapasy, PIK turǵyndar aldyndaǵy esebi, jylytý maýsymyna daıyndyq pasporttaryn ýaqytynda alý jáne t. b. sııaqty ázirlengen ólshemder negizinde qabyldaıdy», - delingen habarlamasynda.

Júldeli oryndar úshin syıaqy beriledi.