Elordada úzdik medbıkeler marapattaldy
ASTANA. QazAqparat - Búgin Astana qalasynyń №1 aýrýhanasynda Halyqaralyq medbıke kúnine arnalǵan saltanatty jıyn ótti. Osymen 5 jyl qatarynan elordada atalmysh kún merekelenip keledi. Sharaǵa Astana qalasy Densaýlyq saqtaý basqarmasynyń basshysy Aıgúl Segizbaeva men medıtsına salasynyń qyzmetkerleri qatysty.
Bul týraly Astana qalasynyń resmı saıty habarlady.
Medıtsına salasyndaǵy jetistikter úshin 100 astam medbıke marapattaldy. Úılestirý keńesiniń tóraǵasy Záýre Hasenovanyń aıtýynsha, úzdikterdi anyqtaý maqsatynda ótkizilgen saıysqa elordadaǵy 37 medıtsına mekemesinen 3 medbıkeden usynyldy. Jeńimpazdar osy saladaǵy eńbek ótili men qyzmetine sáıkes baǵalandy.
«Basty maqsat - medıtsına salasyndaǵy qyzmetkerlerdiń deńgeıin kóterý. Halyqqa sapaly qyzmet kórsetý úshin myqty medbıkelerdi daıarlaý qajet. Búgingi tańda medıtsına qyzmetkerlerine Memleket tarapynan barlyq kómek kórsetilýde», - deıdi Astana qalasynyń Densaýlyq saqtaý basqarmasy janyndaǵy Úılestirý keńesiniń tóraıymy Záýre Hasenova.
«Men №2 qalalyq aýrýhanada bas medbıke bolyp isteımin. Eńbek ótilim - 33 jyl. Búgin «Densaýlyq saqtaý salasynyń úzdigi» medalimen marapattaldym. Balalar aýrýhanasyna bar ómirimdi arnadym dese de bolady», - №2 qalalyq aýrahananyń medbıkelik kútim bóliminiń jetekshisi Baqyt Bekisheva.
Marapattaý rásiminen keıin mamandarǵa arnalǵan merekelik kontsert uıymdastyryldy.
