Elordada úzdik dep tanylǵan 18 sportshyǵa «Altyn tuǵyr» tabystaldy
ASTANA. QazAqparat - Astanada «Altyn tuǵyr» ulttyq sport úzdikteri marapattaldy. Halqymyzdyń baǵa jetpes qazynasy - ulttyq sport túrlerin damytýǵa súbeli úles qosyp júrgen azamattardy marapattaýǵa arnalǵan shara ótken jyldan beri qolǵa alynyp keledi.
Bıyl ekinshi ret uıymdastyrylǵan shara barysynda jyl boıy úzdik dep tanylǵan 18 sportshyǵa «Altyn tuǵyr» tabystaldy.
Atap aıtqanda, kókpar sportynda Abylaıhan Nyshanbekov (OQO) «Kókpardyń jyl shabýylshysy», Jalǵas Qııanov (Jambyl oblysy) «Kókpardyń jyl qorǵaýshysy», Qýanyshbek Quramaev («Han» atynyń ıesi) «Kókpardyń jyl aty», Nurdáýlet Momynov («Aıý» atynyń ıesi) «Kókpardyń pyraǵy», Temirhan Aıtbaev (OQO) «Kókpardyń jyl salymgeri», Qurmanbek Turǵanbekov (Jambyl oblysy) «Kókpardan jyldyń jas sańlaǵy», Maqsat Azbaev (SQO) «Ulttyq at sporty oıyndarynyń úzdik tóreshisi» atandy.
Al aýdaryspaq oıynynda Birjan Qosalıev (OQO) «Aýdaryspaqtyń aýyr salmaqtaǵy jyl palýany», Ermek Jumabekuly «Aýdaryspaqtyń 70 keli salmaqtaǵy jyl palýany», Syrym Іzbasarov «Aýdaryspaqtyń 90 keli salmaqtaǵy jyl palýany», Marat Nurpeıisov «Aýdaryspaqtan aýyr salmaqtaǵy úzdik palýany», Janbatyr Bekmusaev (OQO) «Aýdaryspaqtan jyldyń úzdik jattyqtyrýshysy» ataǵyn ıelendi.
Búrkitshilik sportynda Arman Qoshqarov «Jyl búrkitshisi», Dýlat Áben Kúntýǵan Toqtybaı atyndaǵy nomınatsııa «Jyldyń jas búrkitshisi», Baǵjan Baǵdáýlet «Jas búrkitshi» dep tanyldy.
At báıgesinde Meıirjan Seksenov («Baqtory» ıesi) «Jyl altyn tulparynyń atbegisi», Merhan Joldasuly «Jyl altyn tulparynyń shabandoz balasy», Ramazan Satybaldıev «Jyl shabandozy», Ertileý Satybaldıev «Jyl at bapkeri», Erlan Satyboldınov, Saıat Arynov pen Ǵabıt Úmbetov «Jyl atbegisi» retinde marapattaldy.
Toǵyzqumalaqtan Janat Qaımýldın «Toǵyzqumalaqtan jyl oıynshysy», Saltanat Saparbekova «Toǵyzqumalaqtan jyldyń úzdik oıynshysy» jáne Qabıdolla Nurshın «Toǵyzqumalaqtan jyl jattyqtyrýshysy» atandy.
Asyq atý sportynda Rýslan Asanov «Asyq atýdan jyl mergeni», Adaı Muhamedjan «Asyq atýdan eresekter arasynda jyl mergeni», Dabyl Naýryzov «Asyq atýdan jyl mergeni jattyqtyrýshysy» dep tanyldy.
Jamby atýdan Aldııar Nurǵazıev «Jamby atýdan jyl mergeni» ataǵyn jeńip aldy. Teńge ilý oıynynda «Teńge ilýden jyl oıynshysy» ataǵyn aqtóbelik Álıhan Báshimbaev ıelendi. «Jyl qumaı tazysy» atalymynda Amanat Toqabaevtyń tazysy «Jyl qumaıy» atandy.
Qazaq kúresinen Aıbek Nuǵymarov «Qazaq kúresinen jyl palýany», al Serik Qorjykenov «Qazaq kúresinen jyl palýanynyń jattyqtyrýshysy» dep tanyldy, dep habarlaıdy QR Ulttyq sport túrleri qaýymdastyǵynan.
