Elordada úzdik áleýmettik joba avtorlary marapattaldy
Bıyl konkýrsqa qatysýǵa 224 ótinim kelip tústi, onyń ishinde óńirlik kezeń barysynda 57 joba tańdap alyndy.
«Ippoterapııa boıynsha joba erekshe qajettilikteri bar balanyń dene belsendiligin damytýǵa baǵyttalǵan. Eki jyl ishinde 80-ge jýyq adam atqa miný arqyly aqysyz ońaltý qyzmetterin aldy. Osynyń nátıjesinde múgedektigi bar balalardaǵy vestıbýlıarly jáne tirek-qımyl apparaty men barlyq bulshyqet toptarynyń fýnktsııalary jaqsaryp, vegetatıvti júıke júıesine oń áserin tıgizdi», - deıdi «Qazaqstannyń úzdik áleýmettik jobalary» konkýrsynyń jeńimpazy, Almaty oblysynyń «Adaptıvti atqa miný» jobasynyń úılestirýshisi Qýanysh Nurmahambet.
Lázzat Qaltaevanyń «Múgedektigi bar qyzdarǵa arnalǵan jeke ómir mektebi» men Raısa Sypabekovanyń «Shyńǵa órleý» áleýmettik klýby jobalary ekinshi orynǵa ıe boldy. Úshinshi oryndy Soltústik Qazaqstan oblysynan Sálimhan Sábıtovtyń «Teń jol» jáne Qostanaı oblysynan Aısulý Jumabaevanyń «Múgedektigi bar adamdardy qosa alǵanda, azamattardy jumyspen qamtýǵa kómek kórsetý» jobalary ıelendi.
«Sizder óz jobalaryńyzdy daıyndaı jáne iske asyra otyryp, arnaýly áleýmettik qyzmet kórsetý júıesin jetildirýge úlken úles qosyp kelesizder. Fınalǵa shyqqan jobalardyń árqaısysy búkil respýblıka boıynsha engizýge laıyqty dep senimmen aıta alamyn»,- deıdi QR Eńbek jáne halyqty áleýmettik qorǵaý mınıstri Birjan Nurymbetov.
Júldeli oryndarǵa ıe bolǵan konkýrs jeńimpazdary: 1 oryn – 1,5 mln teńge, 2 oryn – 1 mln teńge, 3 oryn – 500 myń teńgege aqshalaı sertıfıkattarmen, dıplomdarmen marapattaldy. Barlyq fınalısterge alǵys hattar men syılyq sertıfıkattary tabys etildi.
