Elordada úıinen qashyp ketken 8 jasar bala kósheden tabyldy
NUR-SULTAN. QazAqparat – Nur-Sultan qalasynyń Saryarqa aýdandyq polıtsııa basqarmasyna qala turǵyny kelip, balasynyń joǵalyp ketkeni týraly ótinish jazdy. Bul týraly QazAqparat Nur-Sultan qalasy polıtsııa departamentiniń baspasóz qyzmetine silteme jasap habarlaıdy.
Polıtseıler balanyń ájesimen renjisip qalǵannan keıin kúndizgi ýaqytta úıinen ketip, qaıta oralmaǵanyn anyqtady.
Kámelet jasyna tolmaǵan balany izdeý jumystary bastalyp ketti.
ıÝvenaldyq polıtsııa ınspektorlary qala aýlalary, kósheler men qudyqtardy tekserdi. Balanyń barýy múmkin oryndary tekserilip, kórshiler men jolaýshylar surastyryldy.
Іzdeý sharalary barysynda túngi ýaqytta polıtseıler balany kósheden tapty.
Tártip saqshylary kámelet jasyna tolmaǵandardyń osy ýaqytqa deıin qalada qydyryp júrgenin anyqtady.
Polıtseıler balany turǵylyqty jerine jetkizip, ata-anasyna tapsyrdy. Balanyń ájesi qyzmetkerlerge nemeresin jedel izdeýde kórsetken kómegi úshin alǵysyn jetkizdi.
«Polıtsııada balalardyń úıden qashyp ketý oqıǵalary jıi tirkelip otyrady. Biz qaıǵyly oqıǵalar oryn alǵanda ýaıymdap, balalar úıge aman-esen oralǵanda qýanamyz. Ata-analardan muqııat bolýyn suraımyz. Eger balańyz úıden ketip qalsa, birden polıtsııaǵa habarlańyz», - deıdi Saryarqa aýdandyq polıtsııa basqarmasynyń bastyǵy Qýanysh Orynbetov.
