Elordada uıaly telefon arqyly aqsha jymqyratyn alaıaq ustaldy
NUR-SULTAN. QazAqparat - Elordalyq polıtsııa qyzmetkerleri uıaly baılanys arqyly birneshe ret alaıaqtyq jasaý kúdigimen Pavlodar qalasynyń 43 jastaǵy turǵynyn ustady, dep habarlaıdy QazAqparat tilshisi.
Alaıaq uıaly baılanys abonentteriniń jeke kabınetterine kirý arqyly ondaǵy aqsha qarajatyn esepshot kartasyna aýdaryp otyrǵan. Ol úshin kúdikti telefon arqyly abonentke kompanııa qyzmetkeri retinde habarlasyp, uıaly telefon utyp alǵanyn aıtqan jáne júldeni alý úshin SMS-habarlama túrindegi bir rettik qupııasózdi aıtýdy ótingen. Osydan keıin ol abonenttiń balansynan aqsha urlaǵan.
Qazirgi ýaqytta kúdiktige qatysty 6 fakti boıynsha QR QK 190-baby 2-tarmaǵyna sáıkes sotqa deıingi tergeý amaldary júrgizilip jatyr. Eger siz dál osyndaı jolmen jasalatyn alaıaqtyq áreketten zardap shekseńiz, myna telefon nómirlerine habarlasýyńyzǵa bolady: 8(7172)71-63-35, 71-60-10, 8-775-821-65-65.
«Barynsha qyraǵy bolyńyz, ınternet-alaıaqtardyń qaqpanyna túsip qalmańyz! Qaýipsizdik erejelerin qaperińizge salamyz: bógde adamǵa ózińizdiń bank kartańyzdyń málimetterin, ásirese jeke sáıkestendirý nómirińizdi bermeńiz; sizdiń jeke málimetterińizge suraý salǵan SMS-habarlama kelgen jaǵdaıda ony tek resmı derekkózge ǵana berińiz», - dep eskertedi elordalyq polıtsııadan.
