Elordada uıaly baılanys sapasyn jaqsartý úshin 16 antenna ornatylady

NUR-SULTAN. QazAqparat – Nur-Sultan qalasynyń tsıfrlandyrý jáne memlekettik qyzmet basqarmasynyń bólim basshysy Danıal Áıtkenov elordada uıaly baılanys sapasyn damytý jumystary qalaı júrgiziletinin aıtyp berdi, dep habarlaıdy QazAqparat tilshisi.

«Uıaly baılanys qyzmetteriniń sapasyn jaqsartý úshin ákimdik Tsıfrlyq damý, ınnovatsııalar jáne aeroǵarysh ónerkásibi mınıstrligimen, baılanys operatorlarymen antennalyq-machtalyq qurylymdardy ornatady», - dedi Danıal Áıtkenov onlaın brıfıng barysynda.

Onyń aıtýynsha, bıyl qala aýmaǵynda 16 antennalyq-machtalyq qurylym ornatylady. Bul jumys óz kezeginde qaladaǵy ınternet sapasyn arttyrýǵa septigin tıgizbek.

«Biz qala aýmaǵynda uıaly baılanys pen ınternet nashar tartatyn oryndardy anyqtadyq. Sol ýchaskelerde uıaly baılanys operatorlarynyń bazalyq stantsııalaryn ornatamyz. Ol óz kezeginde uıaly baılanys salasyndaǵy kemshilikterdi joıady», - dedi ol.