Elordada úı qyzmetshisi páter ıesin tonap ketken
NUR-SULTAN. QazAqparat – Nur-Sultan qalasynda úı qyzmetshisi páter qojaıynyn tonap ketken, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Polıtsııaǵa páterinen qarajattyń urlanǵanyn habarlaǵan qala turǵyny aryz túsirgen.
Ol jaqynda ǵana úıinde jumys istegen qyzmetshi áıelden kúdiktengen.
45 jastaǵy áıel aqpan aıynyń basynan bastap osy úıde jumys istegen.
Bastapqyda jumys berýshiler tarapynan shaǵym bolmaǵan.
Aqpan aıynyń ortasynda ol úı ıeleriniń úıde bolmaǵan sátin paıdalanyp, shkaftan aqsha urlaǵan.
Urlanǵan qarajat somasy - 300 myń teńge. Páter ıesi aqshanyń joǵalǵanyn baıqaǵansha, áıel osy úıde jumys isteı bergen.
Polıtseıler urlyq jasady degen kúdikpen áıeldi ustaǵan. Atalǵan fakti boıynsha qylmystyq is qozǵaldy.
Kúdikti kinásin moıyndady. Onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilýde.
Nur-Sultan qalasynyń polıtsııa departamenti azamattarǵa saq bolýǵa jáne beıtanys adamdarǵa senbeýge keńes beredi.
