Elordada ústel tennısinen týrnırdiń júldegerleri anyqtaldy
ASTANA. QazAqparat - Elordada QR Prezıdenti Іs Basqarmasynyń jáne vedomstvolary men vedomstvolyq qarasty uıymdarynyń qyzmetkerleri arasynda ústel tennısinen týrnır márege jetti, dep habarlaıdy QazAqparat tilshisi.
Jyl saıynǵy dástúrli týrnırde 3 adamnan turatyn 12 komanda ózara tartysqa tústi. Komandalar tórt topqa bólinip jarysty. Jeńimpazdarǵa arnaıy kýbog, sertıfıkattar men dıplomdar tabystaldy.
Sonymen, komandalar arasyndaǵy saıysta birinshi oryndy «QR PІB Injenerlik-tehnıkalyq ortalyǵy» ShJQ RMK aldy. Ekinshi oryndy QR PІB Medıtsınalyq ortalyǵy ıelense, úshinshi oryn «Búrkit» memlekettik avıakompanııasy» RMK-ǵa buıyrdy.
Munymen qosa ústel tennısinen týrnırde «Erler arasynda úzdik oıynshy» retinde Raıymbek Jupbaǵambetov («Memlekettik rezıdentsııalar dırektsııasy» RMK), «Áıelder arasynda úzdik oıynshy bolyp Saıagúl Izanova («QR PІB Avtosharýashylyǵy» RMK) marapattalsa, sondaı-aq «Sheber oıynshy» atalymynda Qadyrjan Ámirhanov («Materıaldyq-tehnıkalyq qamtamasyz etý basqarmasy» memlekettik mekemesi) úzdik dep tanyldy.
Aıta keteıik, Olımpıada chempıony Serik Sápıev pen Gınness rekordtar kitabyna kirgen, alyp kúsh ıesi Sergeı Tsyrýlnıkov jarystyń qadirli qonaǵy retinde shaqyryldy.
Budan buryn habarlanǵandaı, búgin elordada QR Prezıdenti Іs Basqarmasyna qarasty vedomstvolar arasynda ústel tennısinen týrnır ótti.
